Kryetari i ‘Dostoinstvo-s”, Stojançe Angelov, në emisionin e sonte Klan Debat me Lubisha Nikollovskin, tha se nuk është dezertor për të lënë diçka dhe se funksionet janë kalimtare.
I pyetur nëse do të largohet nga posti i drejtorit të Qendrës për Menaxhim me Kriza, Angelov theksoi se vendi ndodhet në një situatë specifike.
“Talat Xhaferi është kryeministër teknik. Për momentin partia më e madhe është LSDM. Deri para disa ditësh ishim në koalicion me LSDM-në. Bindja ime dhe bindja e LSDM-së është që unë të qëndroj, e kuptoj edhe Talat Xhaferin, i cili është në një situatë të pakëndshme sepse ministrat e krahut të Tavarit kanë dhënë dorëheqje më herët. Qëndrimi im është që të qëndroj deri në fund dhe ta dëgjoj sugjerimin nga kreu i LSDM-së. Përpiqem të jem i sinqertë, nuk i gjuaj me dru dhe gurë partnerëve të mi të koalicionit, arinjtë po zgjohen nga gjumi i dimrit, po vjen stina e zjarreve dhe përmbytjeve. Unë jam anëtar i komitetit të NATO-s. Nëse nuk shkoj në Uashington, do të kemi dëme të pallogaritshme”, tha Angelov.
Angelov ka përsëritur se ai është person përgjegjës dhe se nga Kovaçevski i ka thënë se pozita e drejtorit ka mbetur.
“Kam leje nga Mile Zeçeviq, i cili më tha të ulem aty, shteti është në lojë. Mendon se dua të qëndroj në QMK për të punuar? “Në zyrë kam vetëm dy lule dhe kur të iki, do të luaj muzikë live”, tha Angelov.
