Nga transferimi i Kylian Mbappe te Real Madrid, të shumta kanë qenë krahasimet e tij me Cristiano Ronaldon.
Francezi nuk e nisi shumë mirë sezonin, por duket se ka gjetur formën e shkëlqyer dhe është kthyer në vendimtar për madrilenët.
Në Spanjë kanë nisur krahasimet Mbappe-Ronaldo, për të cilat një koment e ka dhënë edhe trajneri i Real Madrid, Carlo Ancelotti.
Tekniku italian deklaroi se Mbappe e ka potencialin dhe mund të arrijë te Reali ato që arriti Ronaldo.
“Është e vështirë t’i krahasosh, sepse janë ndryshe. Ajo që unë shpresoj është që Mbappe të arrijë të bëjë te Reali atë që arriti edhe Cristiano Ronaldo. Mendoj se e ka potencialin për ta arritur dhe për t’u bërë si portugezi”, deklaroi Ancelotti.
Mbappe numëron 22 gola të shënuar me Realin në La Liga, në 27 ndeshje të zhvilluara. /tvklan.al
