Sot në orët e hershme të mëngjesit ka ndodhur një aksident tragjik në magjistralen Ohër-Kërçovë, njoftojnë nga MPB.
“Mëngjesin e sotëm rreth orës 02:30, SPB Ohër është paraqitur se në rrugën magjistrale Ohër – Kërçovë, në mes të fshatit Klimishtan dhe Botun, komuna e Dëbërcës, ka ndodhur një aksident trafiku në mes të automjetit të udhëtarëve “BMW” me targa të Strugës, drejtuar nga M.M. (21) nga Struga dhe automjetit “Audi” me targa të Ohrit, i drejtuar nga GJ.D. (62) nga fshati Botun.
Nga plagët e marra ka ndërruar jetë GJ.D., ndërsa M.M. ka pësuar lëndime trupore, të cilat janë konstatuar në Spitalin e Përgjithshëm në Ohër.
Në vendin e ngjarjes është kryer ekspertizë nga policia e SPB-Ohër dhe Prokurori Publik, me urdhër të të cilit do të bëhet autopsi në trupin e të ndjerit”, njoftojnë nga MBB.
