Një aksident mes një veture dhe një autobusi ka ndodhur në Keqekollë të Prishtinës, ku një person ka humbur jetën dhe 14 të tjerë kanë kërkuar ndihmën mjekësore.
Zëdhënësi i policisë për rajonin e Prishtinës, Agron Borovci, konfirmoi ngjarjen. Sipas tij, aksidenti ndodhi rreth orës 14:30. Njësia rajonale e trafikut është në vendin e ngjarjes dhe po ndërmerr veprimet e nevojshme për të zbardhur shkaqet që kanë çuar deri te aksidenti.
