Për shkak të një aksidenti trafiku në rrugën kryesore Gostivar – Kërçovë, nga ora 21:20 sonte, komunikacioni është në ndërprerje të plotë.
Në aksident u përfshinë një kamion dhe një veturë.
Për aksidentin me informacione zyrtare ka dalë dhe MPB.
Komunikata e plotë:
Sonte (12 shtator) në ora 21:20 në SPB Tetovë është raportuar se në rrugën magjistrale Gostivar-Kërçovë ka ndodhur një aksident trafiku në mes të automjetit të pasagjerëve ,,BMW” me targa të Demir Kapisë i drejtuar nga B.H. (54). nga Gostivari dhe një Mjet Tërhjekës ,,Skania” me targa të regjistrimit të Kosovës, i drejtuar nga A.T (60) nga Kosova. Në aksident ka mbetur i plagosur rëndë drejtuesi i mjetit B.H. i cili ka ndërruar jetë në vend dhe pasagjeri T.R. (53) nga Gostivari, i cili pas aksidentit është transferuar në qendrën emergjente në Gostivar ku i’u ka nënshtruar lëndimeve të marra dhe ka ndëruar jetë. Drejtuesi i kamionit tërheqës ka pësuar lëndime trupore. Kontrollin në vendngjarje e kryen ekipi i DPB-së Gostivar së bashku me Prokurorin Publik.
Siç ka njoftuar LAMM, komunikacioni është duke u zhvilluar përmes fshatit Raven.
