Videoja e shpërndarë në rrjetet sociale është bërë virale
Gjërat duket se nuk po shkojnë mirë mes Ben Affleck dhe Jennifer Lopez. Dyshja është parë që po i mbante qëndrim njëri-tjetrit, madje në një moment Ben Affleck shihet teksa i “përplas në fytyrë” derën e makinës partneres së tij.
Kjo video e publikuar nga gazeta britanike “Daily Mail” është bërë vrirale në rrjetet sociale duke marrë miliona shikime.
Shumë fansa vunë në pikëpyetje gjendjen shpirtërore të aktorit të njohur pasi panë videon e cila dëshmon një tjetër përplasje publike mes çiftit.
Gjatë premierës së filmit ‘Mother’ ku luan këngëtarja e njohur, Affleck dhe Lopez u panë edhe një herë tjetër të nervozuar dhe duke debatuar me njëri-tjetrin.
“Bennifer” ishte çifti më i përfolur në fillim të viteve 2000 para se të anulonin fejesën e tyre në 2004.
Gati dy dekada më vonë, ata rindezën romancën e tyre dhe u fejuan në vitin 2021.
Klan News
