Futbollisti nga Gostivari Admir Mehmedi i cili karrierën e filloi në FC Winterthur dhe e vazhdoi në FC Zürich (2007-2011), Dinamo Kiev (2012-2013), SC Freiburg (2013-2015), Bayer Leverkusen (2015-2018), VfL Wolfsburg (2018-2022), dhe së fundit në Antalyaspor (2022-2023) ka njoftuar tërheqjen nga futbolli i luajtur.
Futbollisti shqiptar Admir Mehmedi përmes një letre të hapur, të postuar në rrjetet sociale falënderoi klubet dhe bashkudhëtarët e tij në karrierën si profesionist. Mehmedi ka luajtur 76 ndeshje me përfaqësuesen e Zvicrës, ndërsa ka patur eksperienca të ndryshme në Zvicër, Gjermani, Ukrainë dhe Turqi. Në vitin 2014 mori pjesë në Kampionatin Botëror të Futbollit në Brazil. Në ndeshjen e Zvicrës kundër Ekuadorit barazoi rezultatin 1:1 në minutën e 48-të. Në ndeshjen dramatike kundër Argjentinës (e teta e finales) Mehmedi ishte në ekipin startues. Në minutën e 116-të u zëvendësua nga Blerim Xhemaili.
“Të dashur miq dhe tifozë të futbollit. Javën e kaluar shoqërova djalin tim në klasë të parë dhe vajzën time në kopsht, një ngjarje që më solli gëzim të madh. Së bashku me familjen time, mora vendimin për tu kthyer në Zvicër para disa kohësh.
Dëshiroj të shpall zyrtarisht përfundimin e karrierës sime aktive në futboll. Gjatë javëve dhe muajve të fundit, pas diskutimeve intensive me familjen time dhe të njohurit e mi, kam ndjerë se ka ardhur koha që më në fund të var këpucët e futbollit. Në vendim që të lë karrierën time të përfundojë me gjysmë zemre.
Kam kaluar një karrierë të mrekullueshme. Pata privilegjin të luajë në 76 ndeshje për përfaqësuesen e Zvicrës dhe të kompletoja shumë ndeshje si profesionalisht me klube si Dynamo Kyiv, Wolfsburg Bayer Leverkusen, Freiburg dhe Antalyaspor, FC Vintertur dhe FC Zyrih.
Faleminderit të gjithë trajnerëve, shokëve të skuadrës, tifozëve dhe zyrtarëve që më mbështetën dhe më shoqëruan gjatë gjithë karrierës sime.
Pas përfundimit të kursit të Menaxhimit Sportiv, planifikoj të filloj së shpejti trajnimin e trajnerëve. Mezi pres të shoh disa prej jush në fushën e futbollit ndoshta së shpejti – në çfarëdo cilësie”, shkruan Mehmeti në postimin e tij në rrjetet sociale.
32-vjeçari Admir Mehmedi nga Gostivari prej më shumë se një viti nuk luante një ndeshje zyrtare, por vetëm këtë të mërkurë e zyrtarizoi largimin nga futbolli.
