Bashkimi Demokratik për Integrim ka reaguar ashpër ndaj drejtoreshës së ISHP-së. Matija Andonovska, e cila siç thonë nga BDI po diskriminon hapur shqiptarët duke i përjashtuar nga institucioni.
Që nga dita e parë e njejta ka përjashtuar tetë shqiptarë nga puna, duke bërë që tk krijohet një ambient ku shqiptarët janë qytetarë të dorës së dytë.
Reagimi i plotë:
Bashkimi Demokratik për Integrim reagon ashpër ndaj veprimeve të drejtoreshës së Institutit të Shëndetit Publik, Marija Andonovska, e cila po ndjek një qasje të hapur diskriminuese me qëllim të nënshtrimit dhe përjashtimit të shqiptarëve nga ky institucion.
Kontrolli i jashtëzakonshëm i Inspektoratit Administrativ Shtetëror, i iniciuar mbi një parashtresë anonime me përmbajtje tendencioze dhe antishqiptare, nuk është asgjë tjetër veçse një përpjekje e orkestruar për të larguar punonjësit shqiptarë dhe për të krijuar një ambient ku ata trajtohen si qytetarë të rendit të dytë.
Që nga dita e parë në detyrë, Andonovska ka demonstruar hapur qëllimin e saj për të reduktuar praninë e shqiptarëve në këtë institucion, duke nisur me largimin e 8 punonjësve shqiptarë në administratën e Institutit , profesionist dhe teknik laborant dhe motra medicinale, largime nga pozitat udhëheqëse, izolim në zyra të veçanta dhe trajtim të pabarabartë në organizimin e punës.
Gjithashtu edhe anëtari i brendshëm i këshillit drejtues që ka qenë shqiptarë është shkarkuar dhe nuk ka asnjë anëtarë të brendshëm.
Kjo politikë përjashtuese është e papranueshme dhe përbën një sulm të drejtpërdrejtë ndaj barazisë dhe kohezionit shoqëror.
BDI nuk do të lejojë që një qasje e tillë diskriminuese të kalojë pa reagim dhe kërkon nga institucionet përgjegjëse të ndërmarrin masa për të ndalur këtë padrejtësi.
Diskriminimi etnik nuk ka vend në asnjë institucion publik dhe të drejtat e çdo qytetari duhet të respektohen pa dallim.
