Në pronocimin e tij të fundit për media, Arben Taravari nga VLEN tha se është optimist që deri për vitin e ri do të ndodhin ndryshimet kushtetuese, sepse siç tha ai, edhe VMRO-DPMNE ka vullnet për një gjë të tillë.
Mirëpo gjashtë muaj qeverisje kaluan, edhe vitit i ri po afron por ndryshime kushtetuese nuk ka.
Ndonëse premtimi i Taravarit ishte që ndryshimet kushtetuese do të ndodhin në gjashtë muaj qeverisje, ai tashmë pranoi se ky premtim nuk u realizua.
“Më 24 dhjetor u bënë gjashtë muaj qevrisje, në thamë që do nisin ndryshimet kushtetuese, ndaj do të ulemi si kryetarë të VLEN-it dhe të mendojmë strategjinë e mëtutjeshme”, tha Taravari.
Nga VMRO-DPMNE kanë deklaruar se Maqedonia e Veriut nuk është në prioritetet e administratës së re të Bashkimit Evropian, ndaj sipas tyre ata nuk do ta ndryshojnë kushtetutën pa pasur garancë se nuk do të ketë kushte të reja nga Bullgaria.
Lidhur më këto vonesa, sot reaguan dhe partitë opozitare si BDI dhe ASH, ata kërkuan që koalicioni VLEN se paku një herë në gjithë këto muaj aktivitet politik të mbajë premtimet e veta. /tvklan.mk
