Pjesë të fjalimit në Kuvendin e Kosovës, kryeministri Edi Rama ka bërë edhe Ushtrinë Çlirimtare të Kosovës dhe atë që po ndodh me krerët e UÇK në Hagë.
Ai e ka quajtur procesin ligjor kundër përfaqësuesve të UÇK në Hagë si të parregullt.
“Unë nuk rri dot pa ua thënë çudinë time se në këtë sallë nuk është marrë asnjë nismë për t’i kërkuar përmes një resolute ngritjen e një misioni verifikimi lidhur me shqetësimet mbi standardet e asaj gjykate. Ndoshta ky shqetësim mund të mos qëndrojë, por nëse qëndron kjo është gjëmë e madhe për ata 4 persona dhe për integritetin e drejtësisë ndërkombëtare. Nuk mund të lejohet që ajo gjëmë, nëse është gjëmë, ta bëjë dëmin e vet. Dua ta dini që nëse Kuvendi i Kosovës do e ndërmerrte nismën për këtë rezolutë për të ndarë shqetësimin dhe nëse do të na kërkohej që një nisme të tillë t’i bashkohej edhe Shqipëria, PS do të angazhohej që të njëjtën nismë ta depozitonte edhe në Kuvendin e Shqipërisë”, shtoi Rama.
