Unë do të bëj gjithçka për të siguruar që mosmarrëveshjet dypalëshe të së kaluarës të mos mund të qëndrojnë vazhdimisht në rrugën e qëllimit tonë të përbashkët – afrimin e vendeve të Ballkanit Perëndimor me Bashkimin Evropian, tha Komisionerja Evropiane për Zgjerim Marta Kos në fjalimin e hapjes së forumi “Samiti BE-Ballkani Perëndimor: Një qasje e rinovuar ndaj rajonit” organizuar nga grupi i ekspertëve në Bruksel “Miqtë e Evropës”.
“Ëndrra ime është që të gjitha vendet e Ballkanit Perëndimor të jenë në Bashkimin Evropian dhe të shohim heqjen e kufijve dhe tensionet dypalëshe, siç ishte rasti në shumë pjesë të kontinentit”, tha Kos, duke shtuar se duke hequr barrierat fizike të ndarjes, shumë tensione historike do të lihen mënjanë” – tha Marta Kos.
Sipas saj, BE-ja për herë të parë ka një qasje realiste që mund të sjellë një ose më shumë vende kandidate në vijën e finishit “në vijën e finishit” deri në fund të mandatit të Komisionit aktual Evropian.
Kos vlerëson se, sot paqja, liria dhe prosperiteti varen kryesisht nga një Evropë më e fortë dhe më e bashkuar. Ajo theksoi se gjatë takimeve me liderët e vendeve të Ballkanit Perëndimor dy ditët e kaluara u tha se mund të llogarisin tek ajo si anëtare e ekipeve që do të punojnë për afrimin e tyre në BE.
Sipas saj, në Bruksel ka unitet kur bëhet fjalë për ndërtimin e një Evrope më të madhe dhe më të fortë, por është e nevojshme që një unitet dhe pjesëmarrje e tillë të tregohet nga vendet kandidate për anëtarësim, gjë që kërkon bashkëpunim mes pushtetit, opozitës, sektori civil dhe të gjitha segmentet e shoqërisë.
“Do të kërkojë shumë punë teknike që do të duhet ta bëjmë së bashku, por dua t’ju siguroj se zgjerimi nuk është proces teknik. Gjithçka që bëhet në procesin e zgjerimit është në interes të popullit dhe për ribashkimin e Evropës” – tha Marta Kos.
Drejtori i Përgjithshëm i Drejtorisë së Përgjithshme për Fqinjësinë dhe Negociatat e Zgjerimit të Komisionit Evropian , Gert Jan Köppmann, nga ana tjetër, vlerësoi se kur bëhet fjalë për procesin e zgjerimit të BE-së, “fryma e vitit 2004” po kthehet kur BEni priti 10 anëtarë të rinj, proces që u bë i njohur si “zgjerimi i madh”.
Sipas tij, në kushte të tilla dhe me Komisionin e ri Evropian, viti i ardhshëm në masë të madhe do t’i kushtohet zgjerimit. /tvklan.mk/
