Kryeministri i vendit, Hristijan Mickoski krahas presidentit serb Aleksandar Vuçiq, sot mori pjesë në panairin e verërave në Beograd, ne kuadër të Ballkanit të Hapur.
Për këtë ka reaguar ish-ministri i Punëve të Jashtme, Bujar Osmani.
Osmani shkruan se dikur nga kjo qeveri aktuale akuzonin Osmanin për Ballkanin e Hapur, teksa sot kryeministri i vendit merr pjesë në këto ngjarje.
Osmani shkruan se kjo politikë është teatër dhe pa etikë.
Reagimi i plotë:
E mbani mend zjarrin që dilte nga gojët e VREDI vetëm para disa muajsh kundër meje, kundër nesh, për Ballkanin e Hapur?
E gjithë ekzistenca e tyre politike dukej sikur ndërrtohej mbi këtë temë.
E sot, i sheh duke shijuar verërat e Ballkanit të Hapur në Beograd.
Çka janë këta njerëz?
Çka është kjo politikë ku nuk ka as etikën më bazike?
E di që politika jo rrallë herë eshtë e pandershme, por këta kanë shpikur nivele të reja të mashtrimit, hipokrizisë, dhe manipulimit.
Kjo nuk është politikë – është një teatër i shëmtuar i manipulimit.
