“ALEKSANDRI QË NGA MOMENTI I PARË THOSHTE SE ËSHTË RRËMBYER”
Zorica Gjorçevska ka thënë për vete se pas zhdukjes së Vanjës më 27 nëntor në kokë i kanë kaluar shumë mendime, por në asnjë moment nuk I ka shkuar mendja se ajo është rrëmbyer.
Ajo tha se babai I saj nuk ka treguar pse që nga fillimi mendonte se vajza e tyre është rrëmbyer, vetëm thoshte se “nuk mund të jetë dicka tjetër “.
Babai i Vanjës, Aleksandar Gjorçevski, pohoi në ditën e zhdukjes së saj se ajo ishte rrëmbyerr, tha sot në dëshminë e saj nëna e vajzës së vrarë 14-vjeçare, Zorica Gjorçevska.
“Të njëjtën gjë përsëriti edhe në ditët në vijim dhe në një moment i bërtita që të mos flasë kështu, se policia përdor një terminologji tjetër. Supozova se e idealizon atë (Vanjën) sepse nuk mund të pranojë që ajo mund të ketë ikur”, tha Gjorçevska.
Gjatë seancës nëna e Vanjës iu përgjigj pyetjeve qartë dhe qetë.
Avokati i Aleksandër Gjorçevskit, Vladimir Tufegxhiq, thotë se dëshmia e nënës se Vanjës, Zorica, konfrimon se babi I Vanjës Aleksandri nuk kishte asnjë lidhje me rastin e zhdukjes së vajzës.
Nëse e dëgjonit me kujdes dëshmitarin, ai sqaroi se ajo kishte gjithashtu teorinë e saj se Vanjja u arratis, se dikush e gënjeu dhe sqaroi se në cilin drejtim diskutohet interpretimi i tij dhe mendimi se Vanja është rrëmbyer. Ajo sqaroi se ai nuk mund të pajtohej me faktin dhe se u besonte fëmijëve. Pra, teoria e tij ishte se ai supozoi se nuk ishte gjë tjetër veçse një rrëmbim. Të gjithë ishin në ankth për të gjetur fëmijën, tha avokati.
Edhe avokati I të dyshuarit kryesor për vrasjen e Vanjës Lupco Palevski pretendon se me dëshmin e nënës është parë se Palevski nuk a lidhje me vrasjen e vajzës së saj.
“Zorica Gjorçevska në deklaratën e saj nuk tregoi se e njihte Palçon, madje as nuk e dinte nëse burri i saj Aleksandar e njihte fare Palçon. Dëshmia e saj konsistonte më shumë në atë se si shkuan kërkimet dhe çfarë veprimesh ndërmori. Sa i përket të dëmtuarës, Ana Kirkova, ajo nuk i njeh të pandehurit përveç Velibor Manevi . Ajo nuk di për ndonjë keqkuptim me Palevskin, e të njëjtën gjë ka thënë edhe bashkëshorti i saj, dëshmitari Todor Kirkov. Për momentin, nuk ka asnjë pjesë të deklaratës së tyre që tregon se Palevski është autor i krimeve. Nga e dëmtuara kërkuam një mendim subjektiv se a mund të supozonte se bashkëshorti i saj dhe Palevski ishin në një lloj kontakti, dhe ajo u përgjigj se nuk dinte për një gjë të tillë” – tha Marjan Vitanovski.
Në sallën e gjyqit ishin të pranishëm të akuzuarit, mes të cilëve edhe Bore Videvski dhe Velibor Manev.
Të gjithë ata deklaruan se nuk ndihen fajtorë, duke premtuar se do të paraqesin prova shtesë në mbrojtje të tyre.
Sipas aktakuzës, ata akuzohen se kishin planifikuar të rrëmbenin Vanjën për të detyruar një anëtar të familjes së saj të siguronte para për shpërblim. /tvklan.mk/
