Grupi militant Hezbollah shënjestroi sërish qytetin Haifa në Izraelin verior duke lëshuar një breshëri raketash. Mëngjesin së dielës, Hezbollahu hodhi rreth 300 raketa, të cilat sipas ushtrisë izraelite u kapën nga mbrojtja ajrore. Izraeli lëshoi urdhra evakuimi për banorët e 23 fshatrave jugore të Libanit për t’u zhvendosur në veri.
Gjithashtu shpërthime pati edhe në qytetin izraelit Kiryat Shmona, pikërisht në kufirin me Libanin, u dëgjuan sirena pas breshërisë së raketave. Ndërkaq grupi militant është përleshur me forcat izraelite që përpiqeshin të depërtonin në fshatin Ramya në Libanin jugor, pasi një paqeruajtës i tretë i OKB-së u plagos.
Franca thirri ambasadorin e Izraelit dhe lëshoi një deklaratë me Italinë dhe Spanjën duke i quajtur sulme të tilla “të pajustifikueshme”. Presidenti amerikan Joe Biden tha se po i kërkonte Izraelit të mos godiste forcat paqëruajtëse të OKB-së. Të paktën 1,645 njerëz janë vrarë që kur Izraeli përshkallëzoi sulmet në Liban në shtator.
Organizatat e OKB-së dhe disa vende të tjera kanë dërguar furnizime në Liban. Spitalet po përballen me kolaps pasi po mbarojnë pa ilaçe dhe pajisjet shëndetësore pas sulmeve izraelite. Nga ana tjetër, të paktën 200 njerëz janë vrarë nga forcat izraelite ndërsa rrethimi ushtarak në Gazën veriore hyn në ditën e nëntë.
Klan News
