Në orët e para të mëngjesit të sotëm, një aksident i rëndë është regjistruar në rrugën e Arbrit.
Një automjet i cili po qarkullonte në rrugën e Arbrit, ka përfunduar në lumë. Ngjarja ka ndodhur në fshatin Shkallë të Xibrit.
Të plagosur rëndë kanë mbetur dy të rinj 22-vjeçar nga Bulqiza, J.Gj dhe Sh.D, të cilët ndodheshin në automjetin i cili lëvizte në drejtim të Tiranës.
Nuk dihet gjendja e të plagosurve, ndërsa automjeti është bërë copash për shkak të rënies në humnerë.
