41-vjeçari Klementin Islamaj, i arrestuar si i dyshuar për vrasjen e babait të tij Hysen Islamaj, por u lejua të marrë pjesë në varrimin e dy prindërve të tij, i shoqëruar nga efektivë të Komisariatit të Policisë Sarandë.
Edhe pozitat e tij para ligjit duken të lehtësuara, pasi nga të gjitha provat dhe faktet, duket se vrasja e 69-vjecarit Hysen Islamaj nuk ka ardhur as në formë hakmarrje për vrasjen e nënën së Klementinit e as si rrjedhojë e dashjes së drejtpërdrejtë nga ana e tij. Nuk dihet ende se çfarë akuze ka ngritur Prokuroria ndaj 41-vjecarit, por burime bëjnë me dije se rrethanat e ngjarjes janë lehtësuese në favor të të dyshuar.
Ai dëshmoi para hetuesve se e kishte shtyrë të atin për ta larguar nga vetja, pasi kishte gjetur nënën të vrarë në shtëpi. Por, aksidentalisht, 69-vjeçari është rrëzuar nga shkallët dhe ka humbur jetën. Islamaj shtoi se nuk kishte aspak qëllim të vriste të atin. /OraNews
