Ministria e Shëndetësisë të drejtuar nga Hamasi ka thënë se ushtria izraelite ka goditur një shkollë në Deir al-Balah të Gazës, duke vrarë të paktën 30 palestinezë dhe duke plagosur më shumë se 100 të tjerë.
Forcat izraelite të e Mbrojtjes thanë në Telegram se një qendër komandimi dhe kontrolli i Hamasit ishte vendosur brenda shkollës Khadija, shkruan BBC, transmeton Klankosova.tv
IDF shtoi se Hamasi e përdori kompleksin si një vend fshehjeje për të drejtuar dhe planifikuar sulme dhe për të ruajtur armët.
Ndërkaq, Ministria e Shëndetësisë e Gazës tha se viktimat nga sulmi në atë shkollë ishin civilë dhe shumica e tyre ishin fëmijë.
Shërbimi i Mbrojtjes civile të Gazës tha se shkolla po strehonte njerëzit e zhvendosur, derisa Hamasi e dënoi sulmin përmes një deklaratë në Telegram.
“Njerëz të zhvendosur, të sëmurë dhe të plagosur, shumica e të cilëve ishin gra dhe fëmijë u vranë”, thuhet tutje në reagimin e Hamasit.
