Ministria e Jashtme e Rusisë ka akuzuar Korenë e Jugut për shantazh dhe “taktika kërcënuese” lidhur me furnizimet e mundshme me armë për Ukrainën. Edhe pse Koreja e Jugut ka ofruar ndihmë jo-vdekjeprurëse për Ukrainën, duke përfshirë pajisje për pastrimin e minave, ajo u ka rezistuar kërkesave të Kievit për armë.
Në qershor, vendi tha se po rishikon qëndrimin e tij, por kjo ka zemëruar Kremlinin. Zëdhënësja e Ministrisë së Jashtme ruse, Maria Zakharova, akuzoi Korenë e Jugut për përdorimin e “narrativave të NATO-s” për të mbrojtur armatimin e mundshëm të Ukrainës.
Zakharova shtoi: “Na vjen shumë keq që politika e jashtme e Seulit përdor narrativat e NATO-s, shantazhet dhe taktika kërcënuese, gjë që është e papranueshme për shtetet sovrane.
