NEZIRI: PËR HERË TË PARË SHQIPTARËT AS SPEKTATORË
Kryeministri Hristijan Mickoski do ta udhëheqë delegacionin e Maqedonisë në Samitin e NATO-s që do të mbahet nga 9 deri më 11 korrik në Uashington. Sipas informacioneve nga Qeveria, delegacioni do të përbëhet nga ministrat e Punëve të Jashtme dhe Tregtisë së Jashtme, Timço Mucunski, ministri i Mbrojtjes, Vlado Misajlovski dhe ai i Punëve të Brendshme, Pançe Toshkovski. Për herë të parë shqiptarët nuk janë as spektatorë, thotë deputeti Adnan Neziri
Urime nuk vleni 🇲🇰 6-0 🇦🇱
Për herë të parë që nga anëtarësimi në NATO asnjë shqiptar në delegacionin e RMV-së. Nuk ka pasur vend as për zëvendëskryeministrin xhentëllmen e as për ministrin për euro-integrime.
Kryeministri Hristijan Mickoski, bashkë me Ministrin e Punëve të Jashtme dhe Tregtisë Timço Mucunski, atë të Mbrojtjes Vlado Misajllovski dhe i Punëve të Brendshme, Pançe Toshkovski sot janë nisur për në Amerikë, do të marrin pjesë në Samitin e NATO-s në Uashington, që mbahet në 75 vjetorin e themelimit të Aleancës. Atje priten nga Ambasadori i RMV në NATO, Dane Talevski dhe Ambasadori i RMV në Uashington, Zoran Popov.
Dikur shqiptarët ishin vendimtarë për anëtarësim të vendit në NATO, sot as si spektatorë.
Zullumi ndaj shqiptarëve s’ndalet! “ – shkruan Adnan Neziri.
Mucunski, në një video të publikuar në profilin e tij në Fejsbuk, tha se ngjarja është një mundësi e shkëlqyer për të “demonstruar unitetin e të gjithë aleatëve dhe përkushtimin e ndërsjellë për avancimin e mëtejshëm të bashkëpunimit transatlantik”. Në samit do të shënohet 75-vjetori i themelimit të NATO-s dhe do të diskutohen të gjitha problemet dhe sfidat me të cilat përballet Aleanca.
