Këngëtarja botërore Celine Dion po përballet me Sindromën Stiff Atom, një sëmundje neurologjike e rrallë që shkakton spazma të pakontrollueshme të muskujve. Megjithatë, ajo nuk dorëzohet dhe është gati të kthehet në skenën e saj natyrore për të magjepsur publikun me performancat e saj.
Sipas raportimeve të American Sun, Celine aktualisht punon në shtëpi dhe bën prova për të rikthyer performancat e saj. Qëllimi i saj përfundimtar është të mbajë një seri koncertesh gjatë vjeshtës së ardhshme, duke u rikthyer në kontakt me mijëra fansa të etur për ta parë atë live.
Ajo pritet të shkelë në skenën e Resorts World Theater në Las Vegas gjatë Grand Prix-it të famshëm dhe të këndojë të gjitha këngët e saj të mrekullueshme në një seri koncertesh që do të zgjasin 70 minuta.
Celine ka nënshkruar për të kënduar sërish në publik në nëntor. Ajo ka punuar jashtëzakonisht shumë për të fituar forcë dhe kontroll mbi zërin e saj, ndërsa dëshira e saj për t’u kthyer dhe për të argëtuar njerëzit ishte një nga arsyet kryesore pse ajo nuk u dorëzua.
