Pas muajsh kritikash dhe akuzash nga Bashkimi Evropian, kryeministri hungarez Viktor Orbán merr presidencën e tij të radhës të hënën. Udhëheqësi më jetëgjatë i koalicionit evropian ka ashpërsuar kohët e fundit retorikën e tij kundër “elitës teknokratike të Brukselit”.
Paul Ladve, autor i një libri për Viktor Orbán, shprehet se Budapesti do të vazhdojë të bllokojë çështjet kryesore dhe do të përpiqet të lirojë kufizimet mbi sundimin e ligjit për të rikuperuar paratë e tij. Diferencat janë të shumta, dhe miliarda euro fonde janë ngrirë për shkak të shqetësimeve për korrupsionin dhe goditjeve të përsëritura ndaj demokracisë në këtë vend të Europës Qendrore.
Edhe në çështjet gjeopolitike, mosmarrëveshja është e plotë. Ndryshe nga partnerët e tij, Orbán mbështet ish-presidentin e SHBA-së, Donald Trump, nga i cili huazoi sloganin e gjashtë muajve të ardhshëm – “Make Europe Great Again”. Ai gjithashtu ka një marrëdhënie të afërt me liderin kinez Xi Jinping, ndërsa kultivon marrëdhënie me Kremlinin dhe refuzon të mbështesë Kievin ushtarakisht.
Viktor Orbán, një herë liberal i ri, u bë i famshëm duke sfiduar regjimin komunist në Budapest me një fjalim të zjarrtë pro lirisë në qershor 1989, gjatë një homazhi për viktimat e kryengritjes së 1956 kundër të “Kuqve”. Si bashkëthemelues i Aleancës së Demokratëve të Rinj (Fidesz), ai bëhet simboli i ambicies së Hungarisë për t’u çliruar nga totalitarizmi dhe për të adoptuar vlerat perëndimore.
