Zyra e Kombeve të Bashkuara për të Drejtat e Njeriut ka shprehur shqetësimin e thellë për mundësinë e shkeljeve të përsëritura të ligjeve ndërkombëtare humanitare nga ana e Izraelit gjatë operacioneve ushtarake në Rripin e Gazës. Raporti, i cili u prit me kritika nga autoritetet izraelite, hedh dyshime mbi zbatimin e parimeve të dallimit dhe proporcionalitetit në gjashtë sulme specifike që rezultuan në humbje të mëdha njerëzore dhe dëme në infrastrukturën civile.
Zyra e OKB-së ka bërë thirrje për hetime të hollësishme dhe transparente nga Izraeli dhe ka sugjeruar ndërhyrje ndërkombëtare në mungesë të tyre. Ndërkaq, një delegacion i Kongresit amerikan ndodhet në Jeruzalem për diskutime, ku presidenti izraelit Isaac Herzog ka shprehur mirënjohje për mbështetjen e SHBA-së dhe ka theksuar rëndësinë e dialogut të qetë.
Ndërkohe, kryeministri Benjamin Netanyahu ka adresuar çështjen e ndërprerjes së dergimit të armatimit nga SHBA, duke pohuar se kjo po pengon përpjekjet ushtarake izraelite. Sekretari amerikan i Shtetit Antony Blinken ka konfirmuar pezullimin e disa llojeve të municioneve.
Konflikti në Gazë, i cili filloi me një sulm terrorist nga Hamasi mbi Izraelin më 7 tetor, vazhdon të jetë një burim i madh shqetësimi ndërkombëtar, me pasoja tragjike për popullsinën civile.
