NIS KAMPIONATI EVROPIAN I FUTBOLLIT
Me ndeshjen Gjermani – Skoci,sonte me fillim në ora 21:00 zyrtrisht nis edicioni i 17-të me radhë Kampionati Europian i futbollit “Gjermani 2024” ku marrin pjesë 24 kombëtare të ndara në gjashtë grupe
Nisin “ethet” e futbollit. Nis festivali evropian futbollistik që do të mbajë të mbërthyer miliona njerëz para ekraneve televizive.
Në mesin e 24 kombëtareve pjesëmarrëse në Euro2024 është edhe Shqipëria që edhe më teper motivon pë ta ndjekur këtë event.
Trajnerët por edhe njohësit e futbollit, për Klan Maqedoni, shprehen se EURO 2024 me Kombëtaren Shqiptare në të, e bën më emocionale këtë ngjarje të madhe futbollistike.
“Gjithmonë ku ka europiane apo botërorë emocionet janë të mëdha sidomos për ata të cilët e ndjekin këtë lojën e bukur të futbollit. Por edhe më emocionale dhe më speciale kur edhe Kombëtarja jonë do merr pjesë në kët europian. Mendoj se na pret një europian shumë interesant, me shumë ritëm me shumë gola. Gjithë ata që e duan këtë lojë të bukur që të kënaqen gjatë këti sezoni veror” – tha Berat Imeri, trajner i futbollit.
“Ne jemi shumë të lumtur që e kemni shqipërinë atje. Me siguri Gjermania e gjitha do të jetë kuqezi sepse të gjithë shqiptarët normalisht do ta përkrahim Shqipërinë . Këtu ne faktikisht jemi ende më të emocionuar tëcilët nuk do të jemi direktë atje të marrim pjesë direct nër stadium por mes ekraneve televizive do ta ndjekim dhe do t`i urojmë sukses” – tha Nexhat Kasa, ish refer i futbollit.
Sa i përket skuadrave favorite për të fituar trofeun Euro 2024, dy njohësit e mire të futbollit mendojnë se edhe kësaj radhe ekipe favorite konsiderohen Anglia, Spanja, Italia…
“Mund të kemi befasi të vogla por besoj se deri diku Franca, Anglia dhe Spanja janë në grupin më të afër të favoriteve” – tha Berat Imeri, trajner i futbollit.
“Po si gjithmon ekipet me shumë përvojë dhe shumë më të mëdhaja. Të trija këto ekipe që I ka Shqipëria në grup janë edhe candidate. Por më favorire për mua do të jet Spanja” – tha Nexhat Kasa.
Euro 2024 fillon sonte me ndeshjen hapëse Gjermani – Skoci që luhet në stadiumin “Allianz Arena” në Munih me fillim në orën 21:00. /tvklan.mk/
