Përfaqësuesja “A” e Maqedonisë së Veriut në futboll, sot zhvillon ndeshjen e dytë miqësore, kësaj radhe në Hradec Kralove përballet me Çekinë, Ndeshja Çeki – Maqedoni e Veriut fillon në ora 18:00
Në prag të miqësores, seleksionuesi Bllagoja Milevski para gazetarëve theksoi se do të ketë freskime në formacion duke shpresuar se futbollistët do ta japin maksimumin.
“Kur jeni pjesëmarrës në Kampionat Evropian, kjo flet qartë për cilësinë e kundërshtarit. Çekia tregoi se është përfaqësuese cilësore me lojtarë fantastik që luajnë në Premier Ligë, Bundesligë dhe Seria A. Por kanë numër të madh të lojtarëve vendas nga një Ligë cilësore përmes së cilës ndërtojnë bazën e përfaqësueses A. Bëhet fjalë për një repezentacion të fortë” – tha Bllagoja Milevski.
Kapiteni i reprezentacionit, në këtë ndeshje, portieri Stole Dimitrievski, tha se Çekia është një rival mjaft cilësorë pasi janë në mesin e ekipeve në Euro 2024
“Për ne kjo ndeshje është e fundit miqësore para ciklit të ardhshëm që na pret, ashtu edhe për ata para kampionatit Europian kështu që ndeshjen e shohim si shumë të rëndësishëm për të formuar lojë stabile për ndeshjet a ardhsshme kualifikuese” – tha Stole Dimitrievski.
Ndeshja Çeki – Maqedoni e Veriut zhvillohet sot me fillim në ora 18:00 në stadiumin “Malshoviçka” në Hradec Kralove. /tvklan.mk/
