REZOLUTA PËR SREBRENICËN
“Perëndimi kolektiv përgatiti “stuhi të përkryer” kundër Serbisë”.
Në këtë mënyrë Presidenti serb, Aleksandar Vuçiq e ka përshkruar në prononcimin e parë për mediat serbe, pas kthimit nga Njujorku, miratimin e Rezolutës së OKB-së për Srebrenicën.
Vuçiqi, gjatë një interviste për Tv Prva të Serbisë, tha se nuk ka qenë i surprizuar nga vendimi i Malit të Zi që të votojë “pro” Rezolutës, por duket se është zhgënjyer shumë nga Maqedonia e Veriut apo sic e quan ai, pjesa shqiptare e Qeverisë.
“Më shumë më goditi RMV-ja. Pavarësisht rrëfimeve se bëhet fjalë për qeveri paraprake. Miqtë e mi do të thonë se kemi bërë ne, por pjesa shqiptare e Qeverisë. Do të kemi lloj-lloj arsyetime. Kam investuar shumë në raportet me vëllezërit në Maqedoni, për ne gjithmonë do të mbeten vëllezër. Por, kjo sjellje e Maqedonisë nuk është korrekte dhe u dëshmua se Greqia pati më shumë kurriz se Maqedonia” – tha Vuçiq.
Nga ana tjetër, Zv/Kryeministri serb, Ivica Daçiq, pretendon se votimi i Rezolutës për Srebrenicën është bërë për arsye politike apo sic thotë, që perëndimi të “amnistojë” veten nga veprimet e viteve të 90-ta të shekullit të kaluar.
“Perëndimit I duhen këto Rezoluta për ta arsyetuar veten për shkak të veprimeve të viteve të 90-ta në hapësirat tona, ta arsyetojnë agresionin në vitin 1999, për të thënë se serbët janë fajtorë për shkatërimin e Jugosllavisë dhe kriminelët e vërtetë” – tha Daçiq.
Presidenti serb, Aleksandar Vuçiq, paralajmëroi se nuk do të dërgojë notë proteste për Podgoricën dhe Shkupin, duke u bërë thirrje, sic tha, popujve në Ballkan që të bisedojnë mes tyre, e jo t`ua mbajnë dokumentet Gjermanisë dhe vendeve tjera të perëndimit. /tvklan.mk/
