Ish-presidenti i Sllovenisë, Borut Pahor, ka dorëzuar në Bruksel kandidaturën e tij për postin e të dërguarit special për dialogun ndërmjet Beogradit dhe Prishtinës. Pahor synon që të marrë në muajin Shtator miratimin e liderëve evropianë si pasardhës i Miroslav Lajçak pas emërimit të tij si ambasador në Zvicër.
Pahor tha se ka ide të reja për të ringjallur bisedimet mes Beogradit dhe Prishtinës që aktualisht janë të bllokuara. Ai beson se Sllovenia, ashtu si ai vetë, ka si shtet statusin e “ndërmjetësuesit të ndershëm”.
Pahor tha se po punon për një draft për vazhdimin e dialogut me Përfaqësuesin e Lartë të BE-së për Punët e Jashtme dhe Politikën e Sigurisë, Josep Borrell, vendet anëtare të BE-së dhe vendet e QUINT-it, duke përfshirë SHBA-në, Britaninë, Francën, Italinë dhe Gjermaninë.
I dërguari aktual për dialogun, Miroslav Lajçak, do të marrë postin e ambasadorit të BE-së në Zvicër në Shtator. Paqartësitë se kush do ta zëvendësojë atë bëhen edhe më të paqarta pasi Evropa e bashkuar mban zgjedhje të reja për institucionet e saj në Qershor.
