Portali i mirënjohur evropian Politiko shkruan se zgjedhja në pushtet me 8 Maj e një administratë të re, rrezikon të ringjallë tensionet e vjetra me Bullgarinë dhe Greqinë. Rezultatet ne kampin shqiptar shihen edhe si rivalitet mes kryeministrit të Shqipërisë Edi Rama dhe kryeministrit të Kosovës Albin Kurti.
Portali i mirenjohur evropian Politiko shkruan se zgjedhja ne pushtet me 8 Maj e një administratë te re rrezikon të ringjallë tensionet e vjetra me Bullgarinë dhe Greqinë.
Qytetarët e Maqedonisë së Veriut janë bërë gjithnjë e më të frustruar me ngadalësinë e procesit të anëtarësimit në BE dhe mbështetja publike për BE-në po bie.
Në vitin 2018, kombi ballkanik zgjidhi një mosmarrëveshje dekadash me Greqinë për emrin e saj me ndryshimin e emrit në “marrëveshjen e Prespës” në këmbim të negociatave në BE dhe anëtarësimit në NATO.
E djathta maqedonase fituese e sondazheve deri tani VMRO-DPMNE ka hedhur poshtë kërkesën e Sofjes për perfshirjen ne kushtetute te pakicës bullgare si shtetformuese. Bullgaria po përgatitet gjithashtu për një tjetër zgjedhje të përgjithshme – të gjashtat që nga prilli 2021 – më 9 qershor.
Kjo parti i referohet vendit si “Maqedoni” dhe jo “Maqedonia e Veriut” – duke rindezur tensionet e vjetra me Greqinë për përdorimin e emrit të atdheut. të Aleksandrit të Madh.
Edhe raundi i parë i zgjedhjeve presidenciale të 24 prillit shfaqi një ndryshim të rendit politik pasi kandidatja Gordana Siljanovska-Davkova, e mbështetur nga VMRO, shënoi një fitore duke mbledhur 40.1 përqind të votave, ndërsa presidenti aktual Stevo Pendarovski i LSDM-së mori vetem 19.9 përqind.
Brenda Maqedonisë së Veriut, votuesit janë të shqetësuar kryesisht për cilësinë e jetës, korrupsionin, zvogëlimin e popullsisë dhe ikjen e trurit.
Besimi në BE ka rënë në 65 për qind, nga 85-90 për qind kur vendi mori fillimisht statusin e kandidatit në 2005.
Pas përparimit të ndryshimit të emrit, në Ballkanin Perëndimor pati eufori se zgjerimi më në fund mund të ishte i mundur. Por Franca vuri veton për fillimin e bisedimeve të pranimit në BE me Maqedoninë e Veriut dhe Shqipërinë.
Pastaj pasoi vetoja bullgare.
Tradicionalisht, të paktën një parti nga komuniteti shqiptar, që përbën më shumë se një të katërtën e popullsisë së vendit , është pjesë e koalicionit. Bashkimi Demokratik për Integrim (BDI), partia e tretë më e madhe në vend ka dominuar skenën për 20 vitet e fundit.
Por një bllok i ri opozitar i partive më të vogla shqiptare u mobilizua në mënyrë të konsiderueshme, dhe ato potencialisht mund t’i bashkoheshin një koalicioni me VMRO-në.
Prania e dy blloqeve shqiptare shihet si një zonë për ndikim më të madh rajonal mes kryeministrit të Shqipërisë Edi Rama dhe kryeministrit të Kosovës Albin Kurti. Kryeministri kosovar ka treguar mbështetje të fortë për bllokun anti-BDI ndersa ai shqiptar ditet e fundit mori pjese ne dekporimin e liderit te saj Ali Ahmeti si qytetar nderi i kryeqytetit shqiptar. /tvklan.mk/
