ZGJEDHJET PARLAMENTARE
Fronti Evropian ka përsëritur sot se nuk mund të ketë qeveri legjitime dhe parimore në rast se ajo nuk zgjedhjet me badenter, përkatësisht në rast se VMRO – DPMNE nuk formon qeveri me partinë fituese te komuniteti shqiptare.
Arbër Ademi nga ky bllok politik, në deklaratën e dhënë për media pas debatin të organizuar për temën e badenterit, akuzoi VMRO – DPMNE-së se, parapëlqen ta suspendojë demokracinë te komunitetet tjera dhe tenton të imponojë supremacinë dhe dominancën e vet edhe si komunitet po edhe si parti ndaj komuniteteve tjera.
“Badenteri në mënyrë implicite, gjysmë eksplicite përcakton nëse reprezenti i vullnetit te komunitet jo shumicë nuk mund të mbetet i papërfillshëm. Pra, qeveri mund të kesh me 61 po njëkohësisht duhesh të kesh edhe me badenter, pastaj mos të ankohemi se nuk po funksionojnë institucionet, s’po ecin përpara proceset reformuese” – tha Ademi.
I pyetur se si do të veprojnë në rast se VMRO – DPMNE nuk fton në koalicion qeveritar partinë fituese te shqiptarët, Ademi tha se nuk shqetësohen për këtë, pasi për të është prioritet partneritet që kanë me qytetarët.
“Ne në fokus si opsion politik Fronti Evropian e ka partneritetin e pashkëputshëm me qytetarët, me shqiptarët, me qytetarët, me të gjithë ata që janë përfitues të Marrëveshjes së Ohrit si komunitete dhe populli foli. Edhe në komunat të cilat janë të pastra etnikisht ku janë shqiptarët Fronti Evropian ka shënuar një fitore të madhe” – Arbër Ademi.
Çështja e badenterit u aktualizua, pasi VMRO DPMNE, e cila doli fituese në rrethin e parë të zgjedhjeve presidenciale, paralajmëroi se nuk do të ftojë në koalicion BDI-në, edhe pse kjo e fundit fitoi më shumë vota më 24 prill se sa blloku opozitar shqiptar. /tvklan.mk/
