Fronti Europian përmes një komunikate për media ka reaguar ndaj thirrjeve për koalicione anti-shqiptare nga opozitarja VMRO-DPMNE.
Ata thonë se përderisa Hristijan Mickoski fton në bashkëpunim figura pro-ruse, qytetarët duhet të zgjedhin Frontin Europian dhe kandidatin e tyre për president, Bujar Osmanin.
Reagimi i plotë:
Duke e ndjerë humbjen e thellë më 24 prill dhe 8 maj, VMRO dhe Mickoski kanë nis koalicionime me të gjitha qendra antievropiane dhe antishqiptare në Maqedoninë e Veriut.
Plaftorma e vetme e Mickoskit duket të jetë rreziku nga BDI dhe Fronti Europian, andaj kërkon ndihmë madje edhe nga Levica e Apasievit dhe ZNAM e Dimitrievskit.
Në dy tubimet e fundit, Mickoski ia ka zgjatur dorën Levicës, pasi është bindur tashmë se Fronti Europian do të jetë çelësi për formimin apo jo të Qeverisë së ardhshme. Është bindur gjithashtu se humbëse e thellë do të jetë edhe opozita shqiptare, dhe për këtë shkak, tashmë i drejtohet Vankovskës dhe Apasievit, dy figurat kryesore të politikës ruse në Maqedoninë e Veriut.
BDI dhe Fronti Europian i bën thirrje qytetarëve, pa dallim etnie, ta mbështetin Platformën e presidentit në ardhje, dr. Bujar Osmani dhe rrugën drejt BE-së të trasuar nga Fronti Europian.
