Sot në të gjitha terrenet e Ligës së dytë në program janë ndeshjet e javës së 24-të të kampionatit 2023/2024. Dy përballjet kryesore të ditës së sotme do të zhvillohen në stadiumin e Vrapçishtit gjegjësisht në “Tumbe Kafe”.
Lideri në renditjen e tabelës Besa e Dobërdollit në stadiumin e Vrapçishtit është nikoqire e Skopjes. Ekipi është maksimalisht i përgatitur për këtë sfidë të rëndësishme pasi me fitore eventuale me një këmbë do të siguronte kualifikim në elitë kur dihet se dallimi në pikë me ekipin tretë është plot 15 pikë.
Në Manastiri skuadra e Pelisterit është nikoqire e Arsimit të Çegranit, vendasit konsiderohen favoritë por skuadra Vildan Salijut në asnjë moment nuk ka ndërmend të udhëton me flamur të bardhë.
Bashkimi në Kumanovë përballet me ekipin Karaormanit që tani më ka vetëm gjasa teorike që të siguron mbijetesën në Ligën e dytë. Ndeshje interesante prite të zhvillohen edhe në përballjet tjera sidomos në ato ndeshje ku ekipet tentojnë të sigurojnë mbijetesën siç është rasti me ndeshjen mes Teteksit dhe Vardarit të Negotinës si dhe Pobeda – Kozhufi. Të gjitha ndeshjet e javës së 24-të zhvillohen sot me fillim në ora 15:00, takohen: Besa – Skopje, Bashkimi – Karaormani, Bellasica – Kamenica Sasa, Pelisteri – Arsimi, Osogova – Detonit Plaçkovica, Ohri – Novaci, Pobeda – Kozhufi dhe Teteksi – Vardari (Neg)
Tabela: 1.Besa 60 pikë, 2. Pelisteri 54, 3. Detonit Plaçkovica 45, 4.Arsimi 41, 5. Ohri 37, 6. Skopje 35, 7.Bashkimi 34, 8.Bellasica 30, 9.Kozhufi 28, 10. Vardari Neg. 28, 11.Teteksi 24, 12. Novaci 24, 13. Pobeda 22, 14.Osogova 20, 15. Kamenica Sasa 17 , 16.Karaormani 15 pikë.
