Terminët për nxjerrjen e dokumenteve personale prej sot do të mund të caktohen në mënyrë elektronike. Kështu kanë njoftuar nga ministria e Punëve të Brendshme në një komunikate për mediat. Nga MPB thonë se prej dje në ueb faqen termin.mvr.gov.mk/ është vendosur edhe një rubrikë e cila ka për qëllim të kontribuojë për të caktuar termin sa më shpejtë për fotografim për dokumente personale. Në këtë kategori të quajtur “Dërgo një kërkesë për termin”, qytetarët duhet të shënojnë numrin amë, numrin e telefonit dhe të zgjedhin se për cilin dokument dëshirojnë të caktojnë termin. Nga Ministria e Brendshme shtojnë se pasi qytetari të dërgojë kërkesën, operatorët e qendrës së thirrjeve do t’i kontaktojnë në numrin e telefonit për të caktuar termin konkret./tvklan.mk
MPB kthen terminet online / Qytetarët përmes ueb – faqes mund të caktojnë termin për të nxjerrë dokumente personale
