Në Berovë sot në mëngjes është më së ftohti, -19, ndërsa më ngrohtë – 2 gradë në Dojran. Siç kumtoi DPHM-ja, deri në ora 7:30 janë matur -18 gradë në Manastir, -13 në Tetovë, -12 në Prilep, Demir Kapi dhe Dibër, -11 në Shkup-Petrovec dhe Hanet e Mavrovës, -9 në Kriva Pallankë, Shtip dhe Kavadar, -8 në Shkup-Zajçev Rid, Strumicë, Veles, Krushevë, Pretor, Vinicë dhe Kodrën e Diellit, -7 në Ohër dhe Kumanovë dhe -4 në Gjevgjeli.
Lartësia e shtresës së borës sot në orën shtatë është 22 centimetra në Hanet e Mavrovës, 18 në Manastir dhe Kodrën e Diellit, 16 në Dibër, 15 në Tetovë, 14 në Gjurishte, 13 në Berovë, 12 në Krushevë, 11 në Lazaropole. , 9 në Pretor, tetë në Ohër, shtatë në Demir Kapi, tre në Strumicë dhe Prilep, dy në Shtip dhe një centimetër në Kriva Pallankë.
Gjatë natës dhe sot në mëngjes ka mbizotëruar moti i kthjellët, i qetë dhe i ftohtë. Në Demir Kapi ka mjegull me dukshmëri të kufiziar horizontale prej 50 metrash. ndërsa paraqitje të mjegullës së dobët ka në Manastir.
Moti sot gjatë ditës me diell dhe vranësira të vogla deri mesatare lokale. Temperaturat minimale do të jenë në interval prej -18 deri -8, ndërsa ato maksimale prej -3 deri 5 gradë Celsius..
Në Shkup sot në mëngjes moti do të jetë i kthjellët dhe shumë i ftohtë, gjatë ditës me diell me vranësira të vogla. Temperaturat minimale do të bien deri në -13 gradë, ndërsa ato maksimale deri 3 gradë.
Deri në mes të javës moti do të jetë i qëndrueshëm me kushte për paraqitje të mjegullës në lugina dhe me temperatura të ulëta të mëngjesit të cilat kudo do të jenë negative dhe në disa vende do të bien edhe nën -15 gradë. Më së ftohti do të jetë sot dhe të martën. Nga e enjtja temperaturat do të rriten.
