Shqipëria ka marrë vëmendjen e mediave prestigjioze ndërkombëtare si destinacion turistik për vitin 2024. Kësaj here është gazeta e njohur britanike, “The Mirror” që u bën jehonë bukurive turistike dhe thotë se Shqipëria është një nga vendet që duhet vizituar këtë vit.
Britanikja nis me muzetë e kryeqytetit, vazhdon me amfiteatrin romak të Durrësit, zbret në plazhet e rivierës, arkitekturën e jashtëzakonshme të Gjirokastrës e përfundon në Alpet e veriut.
Këtë lajm e ka shpërndarë edhe kryeministri Edi Rama në rrjetet sociale.
Ai thotë ndër të tjera se shoqata britanike e turoperatorëve dhe udhëtimeve, ABTA, e ka vendosur për herë të parë Shqipërisë si një nga 10 vendet që duhen vizituar këtë vit./tvklan.al
