Në disa zona u shënuan aksidente rrugore, stuhia e dëborës ka përfshirë edhe veriperëndimin e Anglisë
Rreshjet e mëdha të dëborës sërish kanë shkaktuar probleme me transportin hekurudhor në Gjermaninë jugore.
Ngricat dhe prania e akullit në rrugë shkaktoi kaos në Bavari dhe veçanërisht në Mynih. Shërbimi i tramvajit dhe metrove u ndërpre në të gjitha rrugët.
Në periferi të Frankfurtit të Kelkheim, bora shkaktoi disa aksidente rrugore ku një kamion u përmbys, ndërsa autoritet u vendosën në dispozicion për të hapur rrugën. Mediat lokale raportuan për të tjera aksidente në disa zona të Gjermanisë jugore.
Mali Grosser Feldberg, një destinacion popullor për skiatorët, ishte mjaft i populluar nga njerëzit të cilët shfrytëzuan dëborën për të kaluar një ditë ndryshe.
Stuhia e dëborës ka përfshirë gjithashtu edhe Alpet në veri dhe në disa pjesë të Evropës Lindore.
Bora ka prekur edhe Cumbria, në Anglinë veriperëndimore, ku dhjetra automjete u bllokuan në disa akse rrugore për shkak të ngricave ndërsa mbi 13 mijë banorë kanë mbetur pa energji. Ndërkaq moti i keq vazhdon të jetë protagonist i këtyre ditëve të para të Dhjetorit në shumë rajone të Italisë, ku Mbrojtja Civile ka lëshuar një alarm të verdhë për shira të fuqishëm në rajonet jugore dhe qëndrore.
Klan News
