Për “heshtjen e Perëndimit” ndaj sulmeve izraelite në Gaza, Recep Tayyip Erdogan ka folur sërish, gjatë kthimit nga Algjeria.
“Pothuajse të gjitha vendet europiane heshtin për këtë çështje. Ndërhyrja e tyre për të ndaluar masakrën as që është në planet e tyre”, tha ai ndër të tjera, duke përmendur gjithashtu se Palestina është pushtuar gradualisht nga Izraeli që nga viti 1947.
“Të gjithë po i thonë Netanyahut ‘largohu”. Disa zyrtarë të huaj po na thonë “duhet ta heqim qafe”.
Nuk mendoj se ky proces do të vazhdojë më gjatë. Le të shpresojmë që në një kohë shumë të shkurtër, Netanyahu do të paketojë gjërat e tij dhe do të largohet,” vuri në dukje presidenti turk.
“Ne nuk pranojmë sulmet izraelite që përbëjnë krime lufte. Të synosh vende si spitalet, shkollat dhe të detyrosh njerëzit të migrojnë është barbare”, tha Erdogan./abcnews.al
“Para së gjithash, të gjithë duhet ta dinë se Gaza është tokë palestineze. Edhe pse vendlindjet e lashta të palestinezëve janë pushtuar gradualisht nga Izraeli që nga viti 1947, Gaza me shpresë do të vazhdojë të mbetet territor palestinez.
E shihni tani se si e gjithë bota ka filluar të mbajë qëndrim kundër Izraelit. Numri i njerëzve që mbështesin Palestinën në rrugë po rritet. Shikoni Gjermaninë. Unë isha atje javën e kaluar, në të njëjtën ditë pati marshime në Berlin. Anglia po ashtu.
E shihni se çfarë po ndodh para Shtëpisë së Bardhë në Shtetet e Bashkuara. E shihni se çfarë po ndodh në Francë, në vendet e Amerikës Latine. Madje edhe rrugët e Izraelit janë mbushur me mijëra protestues. Të gjithë filluan të kërkojnë largimin e Netanyahut.
Shpresoj që Netanyhu të japë dorëheqjen së shpejti, siç e dini ka një proces gjyqësor”, vuri në dukje presidenti turk.
