MPB: AKSIONE JANË ZBATUAR EDHE NË RMV
Nga fillimi i këtij muaji ishte zbatuar operacioni i madh I përbashkët I ashtuquajtur “Mozaik 2023” kundër eksploatimit seksual të fëmijëve në rajonin e Ballkanikt, ku ka marrë pjesë edhe Maqedonia e Veriut, njofton KlanM.
Operacioni “Mozaik 2023” udhëhiqej nga Policia kombëtare e Sllovenisë dhe ishte e koordinuar me EUROPOL-in. Qëllimi, sic njofton KlanM, ishte identifikimi dhe arrestimi i njerëzve që shfrytëzojnë platforma dhe aplikime online të mesazheve për distribuimin dhe shpërndarjen e materialeve të keqpërdorimit seksual të fëmijëve.
Shqipëria, Maqedonia e Veriut, Serbia, Mali i Zi, Bosnja dhe Hercegovina, Sllovenia, Kroacia dhe Hungaria, sic percjell KlanM njoftimin e MPB-së, nga 6 deri më 17 Nëntor kanë zbatuar 41 hetime për 39 të dyshuar nga rajoni, ku janë konfiskuar 200 aparate elektronike.
“Sektori për krim kompjuterik pranë MPB-së aktivisht ishte kycur në operacionin “Mozaik 2023” dhe në koordinim me Prokurorinë Publike dhe Gjykatën Themelore Shkup, me sukses kanë realizuar bastisje në rajonin e Shkupit, ku janë konfiskuar 12 kompjuterë, tri laptopa, një hard-disk, në USB dhe katër celularë. Në biseda informative janë marrë 5 persona” – thonë nga MPB.
Sipas MPB-së, siç njofton KlanM, në kuadër të fushatës është publikuar një video-material ku tregon dy adoleshentë, që janë të eksploatuar në internet nga një organizatë kriminale për përfitime financiare.
Videoja përmban këshilla se si këto krime mund të paraqiten tek organet dhe adoleshentët të mos bëhen viktima. Materiali filmik, siç njofton KlanM, është ndarë me prindërit, fëmijtë dhe mësimdhënësit që të ngritet vetëdija në Ballkanin Perëndimor për keqpërdorimin seksual të fëmijëve./KlanMacedonia
