Bashkimi Evropian të enjten përsëriti se qëndron në solidaritet me Izraelin, ndërsa përsëri bëri thirrje për të drejtën e Gazës për të “qasur në ushqim, ujë dhe ilaçe, sipas ligjit ndërkombëtar humanitar”.
“Është shumë e rëndësishme që nuk mund të harrohet se Izraeli ka të drejtë të mbrohet. Por sigurisht, ai duhet ta bëjë atë në përputhje me të drejtën ndërkombëtare, duke përfshirë ligjin ndërkombëtar humanitar,” tha të enjten gjatë një konference për shtyp, zëdhënësi i Komisionit të BE-së, Peter Stano.“Ky është qëndrim shumë i qartë i Bashkimit Evropian që po përsëritet, si publikisht ashtu edhe në ndërveprimet tona me partnerët në rajon dhe në terren, raporton CNN transmeton Klankosova.tv
Blloku po punon me partnerët ndërkombëtarë për t’u siguruar që pengjet të lirohen sa më shpejt të jetë e mundur, tha Stano, duke vënë në dukje se marrja e pengjeve “dhe mënyra në të cilën Hamasi e bëri atë, është jo vetëm kundër normave ndërkombëtare, por kundër çdo norme të qytetëruar”.
BE bëri thirrje gjithashtu për t’i dhënë fund dhunës. “Mizori të papërshkrueshme” ishin kryer kundër izraelitëve, tha Stano, duke shtuar, “Ajo që po shohim në Gaza është një pasojë e drejtpërdrejtë e asaj që Hamasi filloi të shtunën”.
