Në oborrin e shtëpisë së një serbi në Komunën e Ranillukut është gjuajtur me një granatë dore në orët e para të 22 shtatorit, njoftoi Policia e Kosovës në raportin e saj 24 orësh.
Policia e Kosovës poashtu bëri të ditur se si pasojë e shpërthimit të mjetit eksploziv në oborrin e shtëpisë të të sulmuarit janë shkaktuar edhe dëme materiale, por se nuk ka pasur të lënduar.
Ky rast sulmi, thekson policia, është në hetim i sipër.
E ashtuquajtur Zyrë për Kosovë në qeverinë serbe, dje lëshoi një komunikatë ku pretendoi se kanë ndodhur “tri sulme me bombë” në Ranilluk.
Në raportin e policisë, sidoqoftë, konfirmohet vetëm një rast i tillë.
