Në prag të takimit me përfaqësuesin gjerman, Saracin, kryeministri Kovaçevski tha se pret që ndryshimet kushtetuese të përkrahen nga të gjithë deputetët në Kuvend, përveç dy të partisë e Majta, përcjellë KlanM.
“Kur do të ketë numër të mjaftueshëm të votave, 120, minus 2 të së Majtës pasi ata janë kundër anëtarsimit në BE dhe deri atëherë unë lë hapësirë për marrëveshje dhe që të gjithë të korigjojnë qëndrimet e tyre. Më herët, nëse veton e kishim nga jashtë, sot për herë të parë mund të vij nga brenda shtetit. Megjithatë, le t’i lëmë hapësirë procesit, në mënyrë që secili të shprehë pikëpamjet e tij dhe t’i korigjoj ato sipas interesave të veta dhe të qytetarëve që me një shumicë dërrmuese mbi 80 për qind duan të jetojnë në një shtet anëtar të BE-së”, tha Dimitar Kovaçevski./KlanMacedonia
