Një studiues në Parlamentin e Mbretërisë së Bashkuar është arrestuar në bazë të Aktit të Sekreteve Zyrtare, mes pretendimeve se ai po spiunonte për Kinën.
Policia e Mbretërisë së Bashkuar ka konfirmuar se dy burra, një në të 20-at dhe një tjetër në të 30-at, u arrestuan në bazë të aktit në mars, përcjell klankosova.tv.
Burimet i kanë thënë BBC-së se njëri prej tyre ishte një studiues parlamentar i përfshirë në çështjet ndërkombëtare.
Të dielën në mëngjes, numri dhjetë tha se Rishi Sunak i kishte shprehur shqetësimet për ndërhyrjen kineze një zyrtari të lartë nga KinA
Një zëdhënës tha se kryeministri ishte takuar me kryeministrin kinez Li Qiang gjatë samitit të G20 në Indi dhe “përcolli shqetësimet e tij të rëndësishme për ndërhyrjen kineze në demokracinë parlamentare të Mbretërisë së Bashkuar”.
”Një burrë rreth të tridhjetave u arrestua në një adresë në Oxfordshire dhe një burrë rreth të 20-tave u arrestua në një adresë në Edinburg”, tha Policia Metropolitare.
Të dy burrat u dërguan në një stacion policie në jug të Londrës dhe më pas u liruan me kusht nga policia deri në një datë në fillim të tetorit, tha ai.
