Alternativa përmes një kumtese ka reaguar ndaj BDI-së ku mes tjerash thuhet se humbja në zgjedhje është e pashmangshme.
“Narrativi i “Shqipërisë së Madhe” është pasqyrim i frikës së BDI-së për humbjen në zgjedhje, e cila pashmangshmërisht do të pasojë. Bashkimi i shqiptarëve në dimensionin kulturor e shpirtëror dhe jo në dimensionin territorial është thelbi dhe themeli i vetë BE-së. Askush nuk ka dyshime se opozita e bashkuar shqiptare është një aktor i drejtpërdrejtë në arritjen e anëtarësimit të plotë në BE. Ndryshe nga kushdo tjetër, ne kurrë nuk do të abuzojmë me BE-në dhe NATO-n për marrëveshje korruptive dhe përfitime personale” – thuhet në kumtesë. /KlanMacedonia/
