Kryeministri i vendit, Albin Kurti, bashkë me djalin e heroit Enver Zymeri, Sokolin, vizituan vendin ku ish-polici ra në krye të detyrës 12 vjet më parë.
Kurti tha se Enver Zymberin do ta kujtojnë gjithmonë sepse sipas tij, “përpjekja e tij vetëmohuese është edhe e jona”, Kosovën e lirë ta bëjnë me sovranitet të plotë, pa krim e korrupsion, me jetë cilësorë për të gjithë.
“Sytë e Sokolit janë veç dritë. Dëshira e tij për t’i ndjekur hapat e babait, na jep shpresë se rinia jonë do t’i shërbejë vendit”, tha Kurti, transmeton Klankosova.tv.
Enver Zymberi ra në krye të detyrës në veri të vendit gjatë një aksioni të Policisë së Kosovës. Për vrasjen e Zymerit ende askush nuk është arrestuar.
