Trajneri argjentinas dhe Messi bashkohen në Amerikë
Tek Inter Miami po punojnë për ndërtimin e një ekipi cilësor, duke afruar emra si Lionel Messi apo Sergio Busquets. Së fundi klubi amerikan i zotëruar nga ish-futbollisti David Beckham emëroi edhe trajnerin, i cili është argjentinasi Gerardo Martino.
Me një përvojë 25-vjeçare Martino pritet ta ndihmojë skuadrën drejt objektivave të rëndësishëm. Për Martino do të jetë përvoja e dytë në Major League Soccer, pasi drejtoi Atlanta United duke fituar edhe Kupën në 2018.
Gerardo Martino bashkohet kështu me Lionel Messi, me të cilin punoi te Barcelona dhe më pas Argjentina nga 2013 deri në 2016. Trajneri 60-vjeçar në karrierën e tij ka drejtuar edhe përfaqësuesen e Meksikës, Paraguajit apo klube në këtë vend amerikanojugur dhe Argjentinë.
Tv Klan
