Shefi i mercenarëve rus, Yevgeny Prigozhin, tha të shtunën se ai dhe njerëzit e tij nuk do të dorëzohen me urdhër të presidentit Vladimir Putin, përcjell KlanM.
Putini, siç raporton Reuters, ishte zotuar më parë të shtypte atë që ai e quajti një rebelim të armatosur pasi ushtria private e Prigozhin mori kontrollin e një qyteti jugor si pjesë e një përpjekjeje për të rrëzuar udhëheqjen ushtarake.
“Presidenti bën një gabim të thellë kur flet për tradhti. Ne jemi patriotë të atdheut tonë, kemi luftuar dhe po luftojmë për të,” tha Prigozhin në një mesazh audio, përcjell KlanM.
“Askush nuk do të dorëzohet dhe do të rrëfehet me urdhër të presidentit, FSB (shërbimit të sigurisë) apo dikujt tjetër. Sepse ne nuk duam që vendi të vazhdojë të jetojë më në korrupsion, mashtrim dhe burokraci”, ka thënë Prigozhin./KlanMacedonia
