Ka fishekzjarrë, qirinj të ndezur në natyrë, një zile argjendi për të thirrur kamarierin dhe vetëm një tavolinë të shtruar elegante për dy persona. Solo Per Due, “Vetëm për dy” në italisht, nuk është një restorant i zakonshëm dhe jo vetëm për shkak të madhësisë së tij.
Është një vend ekstravagant ku një vakt ekskluziv për dy persona kushton mbi 500 dollarë. Shampanja, verërat më të mira dhe dekorimet me lule kushtojnë ekstra, dhe darkuesit kanë pamje nga një vilë e lashtë romake.
Pronarët e saj pretendojnë se është lokali më i vogël i ngrënies jo vetëm në Itali, por edhe në botë. Ideale për vaktet romantike, është e hapur gjatë gjithë vitit për drekë dhe darkë, por nuk ka menu. Ushqimi i servirur është i përgatitur enkas për shijet dhe dëshirat e klientëve.
Dhoma e vogël e ngrënies prej më pak se 500 metra katrorë është pjesë e një rezidence guri rurale të shekullit të 20-të që ndodhet pranë fshatit Vacone, në veri të Romës.
Vendi shquhet për rregulloren e tij strikte të privatësisë, maturisë dhe fshehtësisë. Thuajse ndihet si një vend sekret por që reklamohet dhe merr ‘reviews’ gjerësisht, dhe vendndodhja e tij dihet.
Rezervimet duhet të bëhen me telefon, në mbrëmje dhe të konfirmohen 10 ditë përpara ngjarjes. Detajet e vaktit të personalizuar përcaktohen në pikën e konfirmimit.
Ka rregulla strikte. Vizitorët nuk mund të hyjnë siç dëshirojnë për të hedhur një sy brenda përpara se të bëjnë një rezervim. Një vakt nuk mund të anulohet në minutën e fundit. Mysafirëve u kërkohet të mbërrijnë në një kohë të caktuar të rënë dakord nga pronarët, të cilët përgatisin dhe shërbejnë ushqimin e përpunuar.
Koha e mbërritjes është kyçe. Vizitorët duhet të telefonojnë kur janë në rrugë 30 minuta para mbërritjes dhe të mos arrijnë kurrë shumë herët, ose do të gjejnë një hyrje të mbyllur dhe askush për t’i përshëndetur.
Restoranti rezervohet muaj më parë për shkak të madhësisë së tij të vogël. Çmimi nuk është për të gjithë një vakt kushton 500 euro për dy persona.
/ SCAN
