MPB: JANË NDALUAR DY PERSONA
Po shembin rrethojat e poliklinkës Bit Pazar me eskavator.
E për këtë shkak policia njofton se ka arrestuar N. K. (44) dhe Sh. D. (42) në Shkup për shkak të dyshimit se kanë kryer veprat penale “Uzurpim” dhe “Ndërtim pa leje”.
Sipas policisë të dyshuarit kanë shembur me ekskavator rrethojën e poliklinikës “Bit Pazar” në Shkup dhe kanë filluar punimet ndërtimore në oborr për të ndërtuar vend parkingu.
“Sipas asaj që është raportuar, në ora 19:45 në afërsi të poliklinikës Bit Pazar, kanë hequr një pjesë të rrethojës së objektit shëndetësor me qëllim të uzurpimit të hapësirës dhe ndërtimit të parkingut, për çka nuk kanë marrë leje nga Komuna e Çairit” – thonë nga MPB.
Nga MPB gjithashtu njoftuan se për rastin është njoftuar Prokurori Publik dhe pas dokumentimit të plotë do të dorëzohen parashtresat përkatëse. /KlanMacedonia/
Përgatiti: Avni Tahiri
