Në kuadër të sfidave të sigurisë me të cilat përballet Evropa, Rumania ka përforcuar sistemet mbrojtëse ajrore me dy bateri të reja raketash amerikane “Patriot”.
Lëvizja e çon në 4 numrin e sistemeve të vendosura në gatishmëri në vendin anëtar të NATO-s, shkruan Euronews, transmeton Klankosova.tv.
Një oficer i ushtrisë shpjegoi avantazhet për Euronews.
“Një nga aspektet speciale të këtij sistemi është se ka një kapacitet anti-balistik të cilin Rumania dhe ushtria rumune nuk e kanë pasur derisa erdhën sistemet ‘Patriot’. Është një sistem kompleks, i bazuar në teknologjinë digjitale dhe tek informacioni. Radarët janë shumë të fuqishëm, prandaj dhe objektivat janë të lehtë për t’u goditur. Operatorët kanë mundësinë të vendosin, apo të më pyesin se çfarë rakete të përdorin kundër një objektivi të caktuar. Është një hap përpara krahasuar me sistemet e mëparshme”, tha Cezar Dedu, regjimenti i raketave “Patriot”.
Disa qindra ushtarë rumunë janë trajnuar në Shtetet e Bashkuara në kuadër të blerjes së sistemeve “Patriot”. Numri i tyre do të rritet me blerjen e raketave të tjera në 2026-n.
