Të gjitha ndeshjet e xhiros së 32-të nisin në ora 17:00
Kampionati në Ligën e Parë të futbollit vendor vazhdon sot me ndeshjet e javës së 32-të dhe të parafundit për sezonin 2022/2023.
Kryendeshje e kësaj jave është përballja në stadiumin e qytetit në Tetovë, aty ku do të takohen Shkëndija dhe skuadra kampione Struga Trim Lum. Ashtu si skuadra kuqezi por edhe tifozët e pranishëm në tribuna do të urojnë ekipin strugan për suksesin historik titullin kampion të Maqedonisë së Veriut për sezonin 2022/2023.
Ndërkohë që kjo ndeshje derbi është mjaftë e rëndësishme sidomos për ekipin kuqezi të cilët pretendojnë pozitën e dytë, ndërsa skuadra strugane do të luan për të dëshmuar se titulli kampion nuk ka ardhur rastësisht.
Një ndeshje mjaftë e rëndësishme zhvillohet edhe në Çair, ku Shkupi është nikoqire e Makedonija Gj.P. P që me fitore mbetet një hapë më pranë pozitës së dytë në renditje.
Në tre takimet tjera të xhiros së 32-të, Sileksi në Kratovë përballet me Rabotniçkin, Bregallnica në Shtip është nikoqire e Akademija Pandev, ndërsa në Kavadar, Tikveshi përballet me Skopjen. Pobeda është e lirë. Të gjitha ndeshjet zhvillohen sot me fillim në orën 17:00.
Liga e pare, java e 32-të, takohen:
Shkëndija – Struga Trim Lum
Shkupi – Makedonija Gj.P
Sileksi – Rabotniçki
Bregallnica – Ak.Pandev
Tikveshi – Skopje
Shaban Sinani /KLanMacedonia/
