Bad News Eagles e ka nisur mbarë turneun “ESL Challengers”, që po mbahet në Melbourne të Australisë.
Ekipi kosovar triumfoi në ndeshjen e parë ndaj ekipit vendas, Vertex me rezultat 16:10, në hartën “Vertigo”.
“Juanflatroo” dhe “gxx-“ ishin më të dalluarit në këtë përballje për BNE-n, ndërsa loja u zhvillua herët në mëngjes nga ora 05:50 me kohën tonë lokale.
Kujtojmë se fituesi i këtij turneu shpërblehet me 50 mijë dollarë dhe gjithashtu do të garojë në ligën më të madhe në CS:GO, “ESL Pro League”.
Bad News Eagles do ta luajë edhe një ndeshje gjatë ditës së sotme, teksa po bëhet gati gjithashtu edhe për Majorin, ku do të luhet nga mesi i muajit maj.
