KRIZA EKONOMIKE KA NDIKUAR NË FUQINË BLERËSE TË QYTETARËVE
Dita e fundit e Ramazanit, ndër popull njihet edhe si “Dita e Arifesë”. Qytetarët bëhen gati për Fitër-Bajramit, kurse të gjitha rrugët çojnë drejt tregjeve të vendit, njofton KlanM.
Nuk kishte njeri pa patur ndonjë qese në dorë. Për Bajram nuk kursehet. Në Bit Pazar s`ka nevojë edhe të endesh. Të gjitha janë në një vend.
S`ka se si të mungojë bakllavaja. Ëmbëlsira tradicionale ofrohej në variante të ndryshme. Kjo ofertë mbase ka zbehur traditën që ëmbëlësira e Bajramit të bëhet në shtëpi…
Fitër – Bajrami vjen në kohën e krizës së rënduar ekonomike dhe rritjes enorme të çmimeve. Qytetarët thonë se kriza ka ndikuar në fuqinë e tyre blerëse.
– A i ke ble gjitha sendet për bajram?
– I kemi blerë disa sende themelore ose bazike sepse koha është shumë e vështirë sot.
– Kam ble disa qepë për fat të keq shumë çmimi i lartë.
– Sa ishte çmimi?
– 100 denarë një kilogram qepë, dhe i thash shitësit, unë do të mbjelli qepë pasi biznesi shkon mirë me qepë.
– Këtë vit bakllavanë a e keni bërë në shtëpi apo e keni blerë.
– Po, po në shtëpi, tjetër është bakllava e shtëpisë e tjetër e blerë, si në shtëpi kur bëhet askund nuk bëhet.
– A i keni ble gjitha sendet për bajram?
– Gati se po
– Si ishin çmimet?
– Si çdoherë, nuk ka ndonjë dallim
– Këtë vit bakllavën a e keni bërë në shtëpi apo e keni blerë?
– Po e ka bërë zonja,
– Urime festen
– Faleminderit, urime ju dhe të gjithë që shikojnë TV tuaj.
– A i keni ble gjitha sendet për bajram?
– Ja tani shkoj t’i blej
– Çfarë do të blini?
– Bakllavë, boronicë,
Dita e fundit e Ramazanit apo “Dita e Arifesë” kudo shton frekuentimin e qytetarëve. Shitblerja rritet ndjeshëm, kurse kësaj dite I gëzohen edhe më të vegjëlit. /KlanMacedonia/
Përgatiti: Avni Tahiri
